Nonsense

話說食唔成小炒，咁就喺 openrice 揾第 2 間，土瓜灣區勝在有唔少好西，我哋就揀咗呢間。去到安排入座，侍應就企咗我哋附近一陣，有點感覺催落單咁，同事問有乜推介，佢介紹咗封門柳，但由於我唔食牛所以無叫，跟住我哋話睇吓先佢就行開咗。其實未夠 6 點又唔係好餓，侍應又叫我哋留肚食佢哋出名嘅甜品，所以我哋叫咗一個黑毛豬煲仔飯同冬蔭公炒意粉。黑毛豬煲仔飯有飯焦 👍👍👍 但黑毛豬似係無醃過，得豬味，加小小鹽同胡椒粉輕輕醃吓可能香啲，反而我喜歡煲仔飯啲菇，好好味 😅冬蔭公炒意粉有啲驚喜，意粉好入味 😋😋😋至於甜品，可能因為侍應特別叫留肚我有點期望，其實味道唔太差，但比起某些網店，性價比有點比下去！Cappuccino 有點像 Mocha，我比較欣賞 7仔嗰杯 🤣🤣🤣我哋清晒張檯啲食物仲傾多陣先走，值得一讚係有位男士問要唔要加水，見我凍我較高冷氣扇頁，但另一位女士就不停執檯，有點騷擾。