一起果醬 (已搬遷) 新店位置

深深感受到上一個食評”咖哩妹”所講嘅說話，店內食物選擇不多，不緊要，食物質素還可以，炸物夠熱夠脆，果醬味道夠特別(可堂食外賣)，上餐時間不算耐。但店內部分職員(女的男的)表現極之不專業，全程在顧客旁邊坐低吹水講笑打機，不斷細聲講大聲笑，言談間夾雜粗口、溝下仔撩下女咁，仲要對其他食客評頭品足，人地咩身材有冇肌肉都要講同笑，好煩擾。。。其實想靜靜地食餐cafe啫，搞到似落旺角街頭食M記咁，總之對呢間店感覺好差，如題可一不可再！好在當日所叫餐點不多，拿拿聲食完就走，留多秒都唔想！！太差了！！( *1星係畀真正有用心工作嘅另一位店員 )