影片
更多
2022-06-26
40 瀏覽
我同男朋友都係芫荽愛好者，上次經過馬祖見到佢有個全綠色嘅湯底，已經好想試下！佢一共有12款湯底可以選擇，比起同類鋪頭都算多選擇！掙扎咗好耐都係決定下次先試麻辣鴨血凍豆腐，今次先試咗芫荽先！果然同佢個名爆漿熔岩芫荽湯一樣，個湯底完全係綠色滿滿嘅芫荽，見到都興奮！一開始嘅時候，每一片牛肉都沾滿芫荽，不過唯一比較可惜係，無得refill，所以食到一半加湯就已經無乜芫荽味！另一個湯底我地就揀咗藥膳花雕雞湯，建議大家係未落牛肉前先飲幾啖湯，因為落咗紅棗，入口超清甜！而且藥膳湯底越煲越濃味，好正！我地今次淨係揀咗最平嘅Prime Grade牛肉$223套餐，只有一款豬肉同一款牛肉選擇，不過都睇得出D牛肉好正，偏佈油花！喺調味料區，大推沙茶牛肉醬，好有沙爹牛肉嘅感覺！食過咁多間任食火鍋，第一次有熱飲櫃！雖然可能有人覺得熱飲同火鍋唔太夾，不過對我黎講真係超貼心！比較特別嘅有芋泥貢丸，第一次食！甜甜鹹鹹嘅組合，真係台灣獨有！都幾特別，都值得一試！仲有其他台灣特色，好似台灣腸，同埋米血糕等等，都係出面較為少見！另外深海魚柳都係大推，平日任食火鍋比較少海鮮類，通常都係散叫嘅餐廳先會有，而且魚肉質量唔差，非常
我同男朋友都係芫荽愛好者，上次經過馬祖見到佢有個全綠色嘅湯底，已經好想試下！佢一共有12款湯底可以選擇，比起同類鋪頭都算多選擇！掙扎咗好耐都係決定下次先試麻辣鴨血凍豆腐，今次先試咗芫荽先！
果然同佢個名爆漿熔岩芫荽湯一樣，個湯底完全係綠色滿滿嘅芫荽，見到都興奮！
一開始嘅時候，每一片牛肉都沾滿芫荽，不過唯一比較可惜係，無得refill，所以食到一半加湯就已經無乜芫荽味！
另一個湯底我地就揀咗藥膳花雕雞湯，建議大家係未落牛肉前先飲幾啖湯，因為落咗紅棗，入口超清甜！而且藥膳湯底越煲越濃味，好正！
我地今次淨係揀咗最平嘅Prime Grade牛肉$223套餐，只有一款豬肉同一款牛肉選擇，不過都睇得出D牛肉好正，偏佈油花！
喺調味料區，大推沙茶牛肉醬，好有沙爹牛肉嘅感覺！
食過咁多間任食火鍋，第一次有熱飲櫃！雖然可能有人覺得熱飲同火鍋唔太夾，不過對我黎講真係超貼心！
比較特別嘅有芋泥貢丸，第一次食！甜甜鹹鹹嘅組合，真係台灣獨有！都幾特別，都值得一試！仲有其他台灣特色，好似台灣腸，同埋米血糕等等，都係出面較為少見！
另外深海魚柳都係大推，平日任食火鍋比較少海鮮類，通常都係散叫嘅餐廳先會有，而且魚肉質量唔差，非常嫩滑！
張貼
