18
8
入到去好多人, 都排左一陣隊
成日舖樓面得2個人, 水吧1個人, 個個都做到踢晒腳
*鹽焗雞絲肉燥飯*
套餐包埋野飲, 我叫左鹽焗雞絲肉燥飯同蜂蜜蘆薈老實講真係好失望
雞絲完全係白烚冇醃過, 如果冇左肉燥就完全冇味
肉燥唔夠多, 唔能夠做到啖啖飯都有肉燥
整體黎講其實算差, 因為個雞絲真係好難食
*酥炸豬扒肉燥飯*
豬扒好大塊, 望落好吸引
食落去都好香脆, 味道正常, 但冇特別出色
肉燥得好少, 食落去比較寡口, 只係叫食飽左
蜜糖花枝丸
花枝丸係好食嘅, 應該係即叫即炸
但出面買貨返黎炸, 味道一定唔失禮
唯獨價錢比較貴, $34/5粒唔算好抵
百香果綠茶
其實都只係用百香果汁加綠茶沖出黎
但唔知點解完全唔好飲, 味兒又淡
到食晒所有野, 另外杯蜂蜜蘆薈都仲未到, 追左2,3次先到
味道都係好麻麻, 呢杯反而好似飲糖水咁
整體質素參差, 唔穩定
其實$60一個餐唔算好平
唔明點解咁多人會幫襯, 味道真係好一般
希望店舖可以增加人手, 令質數有所提升
