串爆

營業中

休息中

旺角廣華街出名多小食店，今晚朋友話想同我吹水，於是搵左哩間方便吹水店，食物全部預先串好，加上任飲任食，唔洗煩又方便，店子小小，坐滿一群又一群的青年人聊天，朋友先點左些風味小食蒜泥青瓜、棒棒雞、涼拌雲耳，跟住點個香辣無骨鳳爪。飲品有支裝或罐裝選擇，我地選左罐裝菊花茶同椰子汁。飲品同小食好快巳放到枱上，份量細細碟，好快就食完，我地再叫下一輪，今次朋友叫埋串串既食物，因為太多選擇，朋友一於樣樣點，原來程度都有得揀，朋友知我食唔到太辣，所以選擇左唔辣，小食好快又再登場，跟住另一店員捧著吉住一串串食物既大盤出現，數不清多少串，我睇到仲諗食唔食得哂，原來每一串食物每款只有一至兩粒，所以食下食下竟然好快就清完一盤，朋友話唔夠飽，竟然再次落單，叫多Round ，我條脷就辣到麻痹了，要投降，只叫左碗蕃茄牛肉湯麵及成都老冰粉品嚐。