影片
更多
2017-11-24
277 瀏覽
茶記你可能食得多，咁冰室你有幾可會去食呢？今日夜晚學完日文，就同朋友去咗隆記茶室，茶室我相信就係茶記同埋冰室嘅合體啦。一入到黎已經覺得佢嘅裝潢好別樹一格，有懷舊味道，五光十色嘅玻璃雕琢出不規則的圖形，透出淡淡的黃光，有一種親切的感覺。其牆身再用上宮殿式花紋設計作點綴，有令人置身於老一輩的情懷。一嚟到見到佢本餐單好厚，大部份以西餐為主，但我深深被它的鐵板餐吸引。於是就叫咗個全世界最強嘅雜扒，哈哈，個名已經好嚇人了。之後仲叫咗個酥皮瑤柱龍蝦湯農夫包配烏冬，因為個餐牌影得佢好靚。另外仲叫咗個原創爆漿蕃茄芝麻汁沙律，同玻璃茶同呢度出名既奶茶紅豆冰。好快奶茶紅豆冰就喺我面前，杯嘅形狀好似實驗室裏面嘅燒杯，底層佈滿了豐厚嘅紅豆蓉，搬上香滑嘅奶茶，奶味不算太重，茶味甘甜互相輝影，大口大口的喝，肺腑全都涼透了。其後嚟咗個原創爆漿番茄芝麻汁沙律，最令我感到新奇嘅係蕃茄竟然係熱的，據說番茄加溫後，會令其茄紅素更易被吸，師傅可能有這方面的常識，這樣才能令營養更易被客人吸取，不會被浪費。芝麻汁酸酸甜甜的，很對胃口。最期待的鐵板終於來了，我急忙預備相機，捕捉友人把黑椒汁倒在鐵板時踏出的吱吱渣渣聲音。鐵板上什麼都
一入到黎已經覺得佢嘅裝潢好別樹一格，有懷舊味道，五光十色嘅玻璃雕琢出不規則的圖形，透出淡淡的黃光，有一種親切的感覺。其牆身再用上宮殿式花紋設計作點綴，有令人置身於老一輩的情懷。
一嚟到見到佢本餐單好厚，大部份以西餐為主，但我深深被它的鐵板餐吸引。於是就叫咗個全世界最強嘅雜扒，哈哈，個名已經好嚇人了。之後仲叫咗個酥皮瑤柱龍蝦湯農夫包配烏冬，因為個餐牌影得佢好靚。另外仲叫咗個原創爆漿蕃茄芝麻汁沙律，同玻璃茶同呢度出名既奶茶紅豆冰。
好快奶茶紅豆冰就喺我面前，杯嘅形狀好似實驗室裏面嘅燒杯，底層佈滿了豐厚嘅紅豆蓉，搬上香滑嘅奶茶，奶味不算太重，茶味甘甜互相輝影，大口大口的喝，肺腑全都涼透了。
其後嚟咗個原創爆漿番茄芝麻汁沙律，最令我感到新奇嘅係蕃茄竟然係熱的，據說番茄加溫後，會令其茄紅素更易被吸，師傅可能有這方面的常識，這樣才能令營養更易被客人吸取，不會被浪費。芝麻汁酸酸甜甜的，很對胃口。
最期待的鐵板終於來了，我急忙預備相機，捕捉友人把黑椒汁倒在鐵板時踏出的吱吱渣渣聲音。鐵板上什麼都有，半熟太陽蛋、西蘭花、蕃茄和香腸等整整齊齊的排列在我前面，令我十分開胃。我急不及待把太陽蛋吞掉！把香腸切片
，嘗得出全部也是新鮮的食材，待鐵板加熱後才放上去的。蔬菜伴上黑椒汁，爽口至極。
最後說說農夫包，我還記得在旺角市政大樓上有一間專做咖喱農夫包的餐廳，當時他的農夫包是非常硬的，而且入口困難。但這裏的農夫包很大分別，軟綿綿的麵包，配上濃郁香噴噴的龍蝦湯在内，開一個小小的口，再把湯羹放進去，可以大口大口的喝，另外加上烏冬，也是一個不失為豐富的晚餐。烏冬白滑，爽口彈牙，加上少許蔥花，令口味添上色彩。
張貼
