甜品森林

區內開業多年嘅街坊小店，非常有人情味，入到去大家會認得，噓寒問暖，睦鄰關係一流，根本唔需要我幫佢哋push生意。屋企人周不時捧場食甜品，尤其是係果凍，因口感非常「彈」，令屋企兩個啫喱控為之着迷，每次我都會起碼買四份（共16件）先食得夠皮，每份$28。佢哋啫喱多數會有檸檬茶味、洛神花味，今日有期間限「茉莉綠茶味」，呢個係我嘅至愛；淡淡嘅茶甘香，唔係太甜，食完都唔內疚。佢另外仲有簡單的午餐晚餐，係比較健康嘅意粉或者飯餐，我未食過，遲啲搵機會試吓。

1