影片
更多
2022-12-29
35 瀏覽
最近係東涌返工，難得有得同新同事黎食餐飯我哋兩個都鍾意食台灣菜，咁我哋系outlet就梗係食茶木啦！東涌嘅茶木位於outlet嘅最低層，望落好大好闊落台灣啲Cafe咁，充滿文青嘅句子呢度落單係掃QR code自助落單嘅Menu就此一本雜誌咁，又厚又精緻我哋叫左：1️⃣teawood 紅燒牛肉麵茶木嘅牛肉麵不嬲都好出名，我每次嚟都要食紅燒牛肉麵或者麻辣牛肉麵，佢啲牛肉好大嚿好有彈性，肉裡面仲有啲牛肉筋腱，入口即溶咁，軟熟又好味！個湯係我最鍾意ge，雖則話係有啲鹹，不過加埋啲蔥同蘿蔔+牛肉湯底，個湯開胃又暖笠笠，好啱冬天2️⃣台式麻辣半筋半肉手工拌麵冇諗過呢個拌麵有咁多料，上圖你可以見到個碗拌麵料，大碗，而且估唔到又有牛肉，不過拌麵嘅牛肉嗰啲比較多牛筋腱，再配埋鴨血+1件類似花枝丸咁嘅脆卜卜嘅小食。其實個拌麵望落雖然好似冇汁，不過其實撈埋上面個pat 辣醬之後食又好夠味喎，有啲之前喺超級市場買嘅似台式拌麵咁，食落好彈牙都好滑小食方面，我哋叫咗3️⃣夜市小食拼盤諗住每樣都試吓所以就叫咗呢個，有台式腸仔、雞扒、花枝丸，雞扒就有啲乾，同埋唔算話落咗好多粉所以冇乜味道咁，不過香腸同埋花枝丸味道都正常4️⃣麻辣鴨血
我哋兩個都鍾意食台灣菜，咁我哋系outlet就梗係食茶木啦！
東涌嘅茶木位於outlet嘅最低層，望落好大好闊落
台灣啲Cafe咁，充滿文青嘅句子
呢度落單係掃QR code自助落單嘅
Menu就此一本雜誌咁，又厚又精緻
我哋叫左：
1️⃣teawood 紅燒牛肉麵
茶木嘅牛肉麵不嬲都好出名，我每次嚟都要食紅燒牛肉麵或者麻辣牛肉麵，佢啲牛肉好大嚿好有彈性，肉裡面仲有啲牛肉筋腱，入口即溶咁，軟熟又好味！個湯係我最鍾意ge，雖則話係有啲鹹，不過加埋啲蔥同蘿蔔+牛肉湯底，個湯開胃又暖笠笠，好啱冬天
2️⃣台式麻辣半筋半肉手工拌麵
冇諗過呢個拌麵有咁多料，上圖你可以見到個碗拌麵料，大碗，而且估唔到又有牛肉，不過拌麵嘅牛肉嗰啲比較多牛筋腱，再配埋鴨血+1件類似花枝丸咁嘅脆卜卜嘅小食。其實個拌麵望落雖然好似冇汁，不過其實撈埋上面個pat 辣醬之後食又好夠味喎，有啲之前喺超級市場買嘅似台式拌麵咁，食落好彈牙都好滑
小食方面，我哋叫咗
3️⃣夜市小食拼盤
諗住每樣都試吓所以就叫咗呢個，有台式腸仔、雞扒、花枝丸，雞扒就有啲乾，同埋唔算話落咗好多粉所以冇乜味道咁，不過香腸同埋花枝丸味道都正常
4️⃣麻辣鴨血
小食我推介哩個。同朋友都鍾意食辣嘅，嗌呢個，估唔到連埋碗飯一齊嚟！本身食完個主食已經好飽，不過呢個嘅麻辣汁真係整得一流，每件鴨血都好入味😎而且有啲蒜喺度，仲有芽菜同豆卜，溝埋啲麻辣汁食簡直一流。兩個食到好惹味，停唔到口。鴨血個口感都比較軟，入口易溶💓真係好想再食多次
飲物鐵觀音珍珠奶茶同埋蜜桃熱茶，茶木近年嘅嘢飲味道進步唔少，仲多咗好多唔同選擇！個鐵觀音珍珠奶茶味道好特別，第一次飲到個珍珠奶茶係充滿鐵觀音味，甜度都適中，珍珠爽口彈牙😎蜜桃果茶都好飲，偶然一兩啖有啲酸酸地（可能因為茶包有啲一粒粒既配料），不過overall個茶味道都香既
食咗咁多嘢每人平均大約230😊坐得又舒服，下次放工再嚟😎😝
而家茶木都有茶葉買lu~
張貼
