燒肉801

營業中

休息中

今日到尖沙咀行街，見到哩間燒肉，上次食完覺得唔錯，咁一定要encore啦。日本蜜瓜汽水同日本忌廉汽水，兩罐都唔錯，蜜瓜同忌廉味好重，同埋唔會好甜。 淺漬黃瓜，哩間醃黃瓜簡直一流，黃瓜預先醃制過，食落酸甜可口，就肥牛食好爽口。牛小腸，小腸處理得好乾淨，用日式醬料醃制過。小腸留有少少肥膏，火燒完食落好香TIM。泡菜牛肉湯，同韓國鋪頭味道一樣，伴有大量泡菜同牛肉，好飲。黑豚盛有三款豚肉，日本熟成豚香腸，可能係熟成關係，香腸食落少少煙熏味，好特別。厚切煙腩肉，煙腩肉好厚切，食落似大件煙肉，不過唔會好鹹。黑毛豚無骨小排，都係厚切，無骨小排要燒耐少少，逼出油脂，食落就唔會覺得好滯。小排偏肥少少，不過就埋黃瓜食唔錯。黑毛和牛盛，哩個係今日主菜。大判燒！黑毛和牛肩胛肉，牛肉好薄身，燒10-20秒已經可以食，和牛入口即化，點埋溫泉蛋一齊食好滿足。黑毛很牛小排，和牛品質好高，點燒都唔會柴，入口好軟嫩，好味。哩間質素真係唔錯，坐得又闊落，OK喔。