影片
更多
2021-09-03
60 瀏覽
2021年8月12日 星期四早前曾經試過呢間餐廳嘅下午茶，覺得非常抵食，所以今日又帶左朋友黎食餐牌同上次差唔多，都係一樣有吐司拼盤食，而且價錢一啲都唔貴，仲可以追加小食添，而今次除咗叫嘢食之外，仲會每人叫咗一杯飲品首先嚟到嘅飲品係朋友點嘅藍柑白桃梳打，冇諗過會咁大杯，上面仲放到成支酒，但係朋友話飲落去唔算太重酒精味，反而感覺好冰涼另外一款就係青蘋果熱情果梳打，冇諗過青蘋果同熱情果都幾配合，酸酸甜甜，飲落去幾清新，而且真係好大杯，完全飲唔晒跟住我點既食物就到，有酥脆蘑菇雞翼迷你芝士烏冬，烏冬唔算太大份，不過裏面有紫菜同芝士，所以幾濃味，而雞翼裏面釀入咗蘑菇，味道好足夠，外皮脆卜卜，炸得好香另外呢個餐仲配有牛角包、炸雞同沙律，所以呢個餐真係好豐富，牛角包好鬆化，充滿牛油香，而炸雞雖然得兩舊，不過炸粉唔算太厚，裏面嘅肉質仍然保持幼嫩朋友就分別要咗韓式炸雞拼盤，除咗炸雞之外，仲有沙律、薄餅、薯條同太陽蛋，非常多配料，薄餅幾有咬口，而薯條好脆另一個朋友就點左黑豚肉吐司拼盤，個吐司上面除咗有黑豚肉之外，仲有好濃郁嘅芝士添，食起上嚟一啲都唔膩，吐司好脆身最後我哋仲叫埋甜品，草莓牛乳雪花冰，成碗雪花冰
早前曾經試過呢間餐廳嘅下午茶，覺得非常抵食，所以今日又帶左朋友黎食
餐牌同上次差唔多，都係一樣有吐司拼盤食，而且價錢一啲都唔貴，仲可以追加小食添，而今次除咗叫嘢食之外，仲會每人叫咗一杯飲品
首先嚟到嘅飲品係朋友點嘅藍柑白桃梳打，冇諗過會咁大杯，上面仲放到成支酒，但係朋友話飲落去唔算太重酒精味，反而感覺好冰涼
另外一款就係青蘋果熱情果梳打，冇諗過青蘋果同熱情果都幾配合，酸酸甜甜，飲落去幾清新，而且真係好大杯，完全飲唔晒
跟住我點既食物就到，有酥脆蘑菇雞翼迷你芝士烏冬，烏冬唔算太大份，不過裏面有紫菜同芝士，所以幾濃味，而雞翼裏面釀入咗蘑菇，味道好足夠，外皮脆卜卜，炸得好香
另外呢個餐仲配有牛角包、炸雞同沙律，所以呢個餐真係好豐富，牛角包好鬆化，充滿牛油香，而炸雞雖然得兩舊，不過炸粉唔算太厚，裏面嘅肉質仍然保持幼嫩
朋友就分別要咗韓式炸雞拼盤，除咗炸雞之外，仲有沙律、薄餅、薯條同太陽蛋，非常多配料，薄餅幾有咬口，而薯條好脆
另一個朋友就點左黑豚肉吐司拼盤，個吐司上面除咗有黑豚肉之外，仲有好濃郁嘅芝士添，食起上嚟一啲都唔膩，吐司好脆身
最後我哋仲叫埋甜品，草莓牛乳雪花冰，成碗雪花冰上面有好多草莓同芝士蛋糕，我再加埋草莓醬同牛乳，不過出奇地唔算太甜，大家都食得好滿足
埋單每個人$100都唔使，真係抵！！
張貼
