新沙洞澡堂 (已結業)

周不時都會見到有人影住好吸引既牛角酥窩夫 自從食過Croffle之後間唔時都會掛住佢 近期都好忙 但終於嚟到bookmark咗好耐既 新沙洞澡堂名就叫澡堂但其實佢係間賣韓國野食既cafe嚟不過裝飾到好似個好fancy既澡室咁 食親韓國野 我都會叫最韓味既甜辣炸雞 佢既炸雞外皮係炸得超級香脆 甜辣醬係平日食到回憶中既個種 好快就清碟 另外仲叫咗個牛肉韓式拌飯 肉味濃郁配上醬汁同各種配料 都好惹味除咗野食得之外呢度連特飲都好靚 好似個杯藍柑橘白桃梳打特飲 有啖啖地唔會好化學既白桃味 上面仲有靚靚裝飾 打卡一齊要一人叫返一杯 我就好鐘意佢既香繽梳打特飲 顏值高之餘味道真係好岩我飲 不得不提係想食好耐既牛角酥窩夫 叫咗份花生醬窩夫 佢個Croffle 上面係放咗一堆滿滿既花生醬 醬似係店鋪自己調料 好濃厚 加上牛角酥窩夫既牛油香味道上係超rich再加上佢都好酥脆 另外再追加多份朱古力味 都係一樣咁有魅力 所以呢餐都十分滿足