釗記海鮮小菜

營業中

休息中

行完山出返去大埔想搵野食點知一係關左門，一係就排長龍，最後打算係熟食中心解決，點知會係一場惡夢既開始。由於戈陣係晚餐時段， 其他食肆都坐滿哂人就只好選擇呢間就晚市市段都未坐滿人既店食，點知一坐底唔夠30秒就已經比伙記呀姐催落單仲不斷推荐我地食鹵水拼盤，雖然本身都係打算點佢，但係呢種好似比人逼既感覺真係唔多好。菜式方面當日人少，所以只係點左鹵水拼盤同腐乳通菜，一上菜就打破左我地對鹵水食品既認知，咁大個人第一次見到鹵水拼盤係會熱到出煙既，睇落食落中伏感更加大到無法想象，一碟索價過百的鹵水拼盤竟然連一塊鵝肉都無，豬大腸幼之餘只剩外皮，豆腐"鞋"到想吐返出黎，豬肉薄過當年明將既魚生而且好難咬爛，豬頭肉塊塊都有毛剩明顯燒毛燒得好求其，整體黎講只有紅腸算係比較正常...但都只係因為佢係邊到食個味都應該係一樣先唔會難食，但係成碟野既鹵水唔夠，好似只係滾水整熟之後拎去浸鹵水汁咁。通菜岩岩食戈陣都算正正常常，但食到中間發現有沙係到，而且仲唔少，明顯洗得唔夠什至無洗咁制。