Pastime

營業中

休息中

見到環境好似好靚，襯聖誕節黎chill下，點知出曬事。由野食開始，叫左薯條，飯，pizza，窩夫，蛋糕。落完單，第一樣就送個蛋糕過黎，咩野食都未到就黎個甜品先，完全唔理會食客既體驗。蛋糕味道都正常既。然後就上薯條。50蚊，唔夠50條。茶餐廳質素，好碎又好燶，好多都硬到食唔到。之後上pizza 同椰菜花飯，味道都叫做正常既。咁餐廳係自助取餐具，淨係得膠叉同膠刀，係冇匙羹既。跟餐都唔會俾埋隻羹你，要你自己去問店員拎。其實有冇諗過客人係要點食。服務係0分仲有喱個蜂蜜窩夫，價錢同味道都合理既。4塊窩夫，係最底果塊好似一早俾人咬左啖咁，唔知咩事 整體黎講，環境係還好，但係店員好嘈，係咁大聲講野，汁啲餐具又掉黎掉去，上菜既次序亦都亂咁黎，用餐體驗可以話係非常差。係咩service, 連水都要自己斟既情況下，仲要服務費係咩一回事。唔推薦，食老麥仲好。