影片
更多
2023-02-19
18 瀏覽
放工想同同事happy hour飲少少野吹下水，行行下就行到漆咸道酒吧街，太大聲既酒吧唔係好適合我地傾計，兜左個圈見到有間設計形型格既酒吧happy hour 仲做到22:00就決定入去坐下。燈光、音樂、氣氛都好適合三五知己或者情侶chill下，menu 上酒類既選擇都好齊全，Gin, Whisky, vodka, rum 之類都好多選擇，但cocktail應該係佢地既主打，因為Fruity、gentle等都五花百門，多到唔知點選擇，心大心細之際見到signature cocktail 有一款叫Tart-too 蛋撻既調酒，本住好玩既心態就決定order佢，同事就order左Classic highball，仲叫左啲小食送酒。．Tart-too蛋撻cocktail $98第一啖會會心微笑，因為又真係幾似蛋撻味喎衰鬼，酒味唔會好濃，甜甜既，個味有少少似Baileys，好適合鍾情甜味酒既朋友，飲到最後都唔會覺得膩．避風塘薯條 $58炸蒜非常香口，同薯條非常夾，份量多，就算一邊傾計一邊食都可以食好耐，如果酒吧有飯可能會叫碗飯配埋啲避風塘粒粒食呀．炸牛丸拼鵪鶉蛋 $88炸牛丸係驚喜之作，可以改
燈光、音樂、氣氛都好適合三五知己或者情侶chill下，menu 上酒類既選擇都好齊全，Gin, Whisky, vodka, rum 之類都好多選擇，但cocktail應該係佢地既主打，因為Fruity、gentle等都五花百門，多到唔知點選擇，心大心細之際見到signature cocktail 有一款叫Tart-too 蛋撻既調酒，本住好玩既心態就決定order佢，同事就order左Classic highball，仲叫左啲小食送酒。
．Tart-too蛋撻cocktail $98
第一啖會會心微笑，因為又真係幾似蛋撻味喎衰鬼，酒味唔會好濃，甜甜既，個味有少少似Baileys，好適合鍾情甜味酒既朋友，飲到最後都唔會覺得膩
．避風塘薯條 $58炸蒜非常香口，同薯條非常夾，份量多，就算一邊傾計一邊食都可以食好耐，如果酒吧有飯可能會叫碗飯配埋啲避風塘粒粒食呀
．炸牛丸拼鵪鶉蛋 $88炸牛丸係驚喜之作，可以改名做炸爆漿瀨尿牛丸，細細粒新鮮炸起熱辣辣，每粒咬開都好juice，送酒必選
．意大利餛飩配白松露油雜菇醬 $108由於係小食，所以餛飩繼續係細細粒，非常容易一口一粒方便傾計，可見酒吧既細心。皮唔厚而且個醬唔會太渴撻撻或者稀，食哂都唔會太heavy
．日式前菜拼盤 (2人份量) $128拼盤包括枝豆、燒雞泡魚乾、燒明太子、酒盜芝士，最特別既係酒盜芝士，鹹鹹既海鮮醬配上芝士點餅仔好配合，果然係酒盜小食，唔覺唔覺就偷哂我杯酒啦，細問店員原來個海鮮醬主要係吞拿魚內臟，但完全無任何腥味，下次如果去酒吧又多一樣款必食小食啦
張貼
