影片
更多
2004-01-06
49 瀏覽
農曆新年前收到四個紅炸彈，第二個係公司的大客，在呢度的岸濤廳筵開三十席，我地成班同事就包左一圍，由公數做人情。這裡樓底不高，廳成扇形，又有兩條大柱在後面，比較起其他新式酒店的宴會大廳氣派是差左少少，當然個維港景色係唔錯，而樓上海景廳景致會仲好些少。另設麻雀房，都幾靚的，但要行來行去影相就麻煩D。乳豬全体皮脆又好味，乳豬件亦夠熱，沒有一般酒席要吃涷乳豬的弊病；翡翠蝦球好粒粒大隻，亦清爽口，佐以木耳好味道；瑤柱甫又係好大粒的瑤柱，加入蒜子味道濃烈，好在個茨勾得薄，如果唔係都幾漏；葡汁焗響螺幾特色，一人一隻響螺，用匙羹吃入面的肉，味道不算突出，純以賣相取勝；竹笙蟹肉海虎翅非一窩上，而是一人一碗淨蟹肉翅再加芽菜及上湯，以示翅夠份量，與一般的大窩比當然高幾班，而翅亦大大條可以用筷子挾來吃，係去飲少有吃到的好翅；看到婆參鮑甫呢味就知今晚酒席價錢唔平，因為一般價錢酒席不會同時有海參及鮑片的；東星斑幾大條，睇落至少三斤，蒸得剛剛好，肉質嫩滑，廚房有一定?夫；炸子雞亦係唔錯，隻雞幾大隻，一人都分到三、四件雞，所以好少人食得完；再來是雞粒炒飯及鮑汁伊麵，其中以少麵勝一籌，炒得夠味又夠乾身，所以就算飽都食左
這裡樓底不高，廳成扇形，又有兩條大柱在後面，比較起其他新式酒店的宴會大廳氣派是差左少少，當然個維港景色係唔錯，而樓上海景廳景致會仲好些少。另設麻雀房，都幾靚的，但要行來行去影相就麻煩D。
乳豬全体皮脆又好味，乳豬件亦夠熱，沒有一般酒席要吃涷乳豬的弊病；翡翠蝦球好粒粒大隻，亦清爽口，佐以木耳好味道；瑤柱甫又係好大粒的瑤柱，加入蒜子味道濃烈，好在個茨勾得薄，如果唔係都幾漏；葡汁焗響螺幾特色，一人一隻響螺，用匙羹吃入面的肉，味道不算突出，純以賣相取勝；竹笙蟹肉海虎翅非一窩上，而是一人一碗淨蟹肉翅再加芽菜及上湯，以示翅夠份量，與一般的大窩比當然高幾班，而翅亦大大條可以用筷子挾來吃，係去飲少有吃到的好翅；看到婆參鮑甫呢味就知今晚酒席價錢唔平，因為一般價錢酒席不會同時有海參及鮑片的；東星斑幾大條，睇落至少三斤，蒸得剛剛好，肉質嫩滑，廚房有一定?夫；炸子雞亦係唔錯，隻雞幾大隻，一人都分到三、四件雞，所以好少人食得完；再來是雞粒炒飯及鮑汁伊麵，其中以少麵勝一籌，炒得夠味又夠乾身，所以就算飽都食左兩碗；甜品是合桃露，意料之外的有水準，好香又不太甜，比起坊間的專門店尤有過之；最後還有果盤同美點四拼，但已經沒有幾個人食得落了。
侍應數目充足，照觀察是三人招呼兩席，一人負責酒水而二人傳菜分菜，服務態度好亦好醒目。
多事之下向侍應打聽是晚酒席的價錢，連酒水原來要過九千蚊一席，應該是這裡最貴的一款酒席，唔怪之得食物味味都咁正，真是一分錢一分貨。
張貼