元朗冰室 (鴻圖道)

營業中

休息中

呢間元朗冰室一直都好出名，但係一直都冇機會去試，朋友介紹呢間喺觀塘嘅元朗冰室雖然好早閂門，但係下午茶嘅價錢好平，咁就一於嚟試吓啦。朋友話呢度嘅厚豬扒好出色，咁就叫咗個厚豬扒辣肉醬飯，佢嘅豬扒非常厚，而且食落好嫩滑，完全唔會有筋，辣肉醬襯埋白飯真係好夾，非常送飯，本身唔係好鍾意食白飯都可以食到一大碟。另外呢度嘅炸雞髀都好出色，炸雞髀好大隻，食落係新鮮嘅雞髀。而且外脆內嫩，雞皮好脆，雞肉好嫩滑，完全唔使點任何醬汁都好好食。我哋仲叫咗個炸魚柳拼薯條，本身以為茶餐廳嘅炸魚柳唔會好新鮮，估唔到食落好有魚味，而且炸得好香脆，又係唔使點茄汁都好好食。佢嘅薯條係新鮮切嘅，食落好厚同埋薯仔味好充足，非常推薦大家嚟試吓。呢間餐廳又平又抵食，而且每一個職員嘅服務態度都好好，同朋友聚會或者放工嚟食飯都好適合啊。