車輪餅小姐

營業中

休息中

車輪餅小姐今次試咗兩款唔同口味嘅車輪餅，分別係《流心抹茶車輪餅》同埋《Orea朱古力咖啡麻薯車輪餅》兩款都係十一蚊，全部都係熱辣辣新鮮出爐，幾抵試。首先講咗車輪餅嘅餅面先，個餅唔油膩好鬆軟，有啲似雞蛋仔嘅味，幾好食。《流心抹茶車輪餅》個餡比較多夾餅就少，真係做到流心嘅效果，流心餡抹茶味尚可，亦都有啲甜，加埋個餅食成個甜甜地鹹鹹地好好味。至於《Orea朱古力咖啡麻薯車輪餅》，個餡就比《流心抹茶車輪餅》份量少但係依然足。Orea置於上方，麻薯夾係中間，朱古力咖啡就係底，一咬落去麻薯係超級熱，所以小心，最好細㗳細㗳咬。麻薯同埋朱古力咖啡味好夾，嚿麻薯仲有啲痴牙添。車輪餅裏面仲有一塊溶溶地嘅Orea。但係三樣材料擺埋一齊好唔好食就見仁見智。而小編就覺得幾好食嘅。