薩莉亞意式餐廳 (馬鞍山廣場)

營業中

休息中

今日特意去咗薩莉亞意式餐廳食飯，因為知道馬鞍山呢間都出名多人，所以都預早五點半就嚟撳飛 ，但係最終都要6點20分左右先入到去，入到去叫咗蒜蓉包，粟米忌廉湯，菠蘿火腿pizza，意式蕃茄海鮮意大利粉，雞翼八隻，蒜香燒魷魚筒，同埋天使蛋糕。所有嘢都好快黎。而且其實大家去過都知薩莉亞都好抵食，平均每樣嘢都係三十幾蚊左右。 菠蘿煙肉pizza好多菠蘿，我最啱食因為我鍾意食菠蘿，另外魷魚筒蒜香汁都好正， 魷魚好juicy，個蒜蓉包一定要叫，因為係好鬆化同埋熱，如果連埋個湯飲就好滿足，意粉同埋雞翼就ok水準，不過不失啦。最後一題個天使蛋糕，真係要叫，因為佢面嗰浸係雪糕中間就係蛋糕下面嗰層仲夾住脆脆， 而且 蛋糕同脆脆之間有層薄薄cream， 成個甜品食落好fresh又不太甜。