但馬屋 (創紀之城五期(apm))

營業中

休息中

懶洋洋嘅星期日，#小秘書 好想暫時將一切嘅擔憂放低，好好休息😎 中午出去做咗個massage，落到樓時候都唔早，肚仔開始打鼓😅 好彩朋友仔預早半粒鐘嚟到，橫掃幾間餐廳排隊攞飛，最終都係 但馬屋 Tajimaya 最先安排到位置比我哋☺️雖然天氣好熱，但係 #香港人 對 #火鍋 嘅熱情❤️‍🔥似乎未有退減。餐廳座無虛席，周圍都係火鍋散發出嚟嘅水蒸氣🫧 真係未食先興奮呀！因為時間急迫，而我下晝嗰餐又唔食得唔多，最終都係點咗兩個限時60分鐘嘅火鍋套餐配 #甘露鍋。套餐每份都配有一份 #牛肉 同 #豚肉，另加任食嘅 #蔬菜、#肉丸、#飲品，對我嚟講已經好足夠☺️ 如果要我比分，我反而覺得佢哋啲豚肉比較出色，雖然牛肉肉味都唔差，不過口感唔夠鮮嫩，我食咗兩塊已經放棄😅 好在 #蔬菜吧 嘅選擇夠晒精彩，單係食 #菇 🍄 同 #萵筍，再加埋啲 #花枝丸 同 #貢丸，#小秘書 已經飽到上心口🤪對於我呢個長期客仔，呢餐算係不過不失。不過對於烚吓烚吓一向情有獨鍾嘅我，就當比自己過吓心癮啦😎📍 #但馬屋 (創紀之城五期) (觀塘)觀塘道418號創紀之城五期(apm)4樓L4-22號舖