影片
更多
2024-04-25
647 瀏覽
今晚同朋友去咗中環veggie4love. 𨋢門一打開，見到枱枱凳凳同埋裝飾品都帶着懷舊嘅風格。我哋叫咗以下嘅菜式。北京烤片（$78）：必點菜式！如果唔講真係以為自己食緊肉。素肉片有一定厚度，咬落脆口，調味適中。上枱仲熱辣辣。個薄餅皮都做得好軟熟。配埋燒鴨醬同埋青瓜絲一齊食，口感同味道層次都得以提升。越式炸素卷伴蒜香檬汁（$78）：炸素卷個皮炸得薄脆。個餡有彈牙嘅口感。菜式上枱嘅時候已經用生菜包裹著檬粉同埋炸素卷，咁就可以好有儀態好乾淨咁樣食呢個菜式喇。再配埋蒜香檬汁，更加惹味清新。照燒醬汁拌素帶子（$78）：應該係用菇類做嘅。的確外型好似帶子。菇味本身嘅味道好濃郁，所以唔會俾照燒醬汁嘅味道所掩蓋。素漢堡扒半夜味燒烤醬（$158）：漢堡入邊有素漢堡扒，蕃茄菜絲同埋醬汁。麵包鬆軟新鮮。伴以新鮮爽口嘅沙律菜，同埋岩岩炸好嘅薯角，食完好滿足。甘菊椴花薰衣草茶（$28）：朋友叫的飲品，佢話係清香嘅味道。藍莓石榴和巴西梅茶（$28）：帶果香嘅味道，酸酸美味，挺消滯開胃的。
今晚同朋友去咗中環veggie4love. 𨋢門一打開，見到枱枱凳凳同埋裝飾品都帶着懷舊嘅風格。
我哋叫咗以下嘅菜式。
北京烤片（$78）：必點菜式！如果唔講真係以為自己食緊肉。素肉片有一定厚度，咬落脆口，調味適中。上枱仲熱辣辣。個薄餅皮都做得好軟熟。配埋燒鴨醬同埋青瓜絲一齊食，口感同味道層次都得以提升。
越式炸素卷伴蒜香檬汁（$78）：炸素卷個皮炸得薄脆。個餡有彈牙嘅口感。菜式上枱嘅時候已經用生菜包裹著檬粉同埋炸素卷，咁就可以好有儀態好乾淨咁樣食呢個菜式喇。再配埋蒜香檬汁，更加惹味清新。
照燒醬汁拌素帶子（$78）：應該係用菇類做嘅。的確外型好似帶子。菇味本身嘅味道好濃郁，所以唔會俾照燒醬汁嘅味道所掩蓋。
素漢堡扒半夜味燒烤醬（$158）：漢堡入邊有素漢堡扒，蕃茄菜絲同埋醬汁。麵包鬆軟新鮮。伴以新鮮爽口嘅沙律菜，同埋岩岩炸好嘅薯角，食完好滿足。
甘菊椴花薰衣草茶（$28）：朋友叫的飲品，佢話係清香嘅味道。
藍莓石榴和巴西梅茶（$28）：帶果香嘅味道，酸酸美味，挺消滯開胃的。
張貼
