最近韓國大熱好評嘅獵奇系料理都會見到益力多煮餸，今次加半支益力多落牛五花，本身都擔心會嘥咗啲靚牛肉，點知真係添風味，甜甜嘅益力多唔搶味，同牛五花嘅肉汁肉味都match! 而牛五花肉質柔軟，肥瘦相隔，有質感。
🎄牛胸腹聖誕樹配芝士薯仔煎餅
飄着乾冰嘅聖誕樹，好有儀式感，上面排滿牛胸腹。牛胸腹脂肪夠多，牛脂雪白，肉味濃。薄切快燒，肉汁鎖住好juicy。芝士薯仔煎餅唔係香脆果款，但好實在有質感，薯仔濕潤香口，芝士味香濃！
🐷名物雪花五花肉
五花肉半半肥肉，店員主動代烤，每一邊都金黃香脆，夾住肥肉好香口，仲有軟骨又有口感。肉味香濃surprise無肥膩感，點埋惹味嘅大醬真係會食唔停。
🍹柚子檸檬梳打，菠蘿梳打，氣泡清爽，酸酸甜甜減膩又清新口腔，食燒肉一定會飲返杯。
