阿爺八鮮鍋 (已結業)

天氣涼涼地，又係打邊爐既好日子，於是放咗工約埋好友一齊去打邊爐。我地揀咗無極限海鮮放題，再追加油金池魚併柚子醋白子。Like 埋 social media 仲有得送小食tim😋調味料可以按自己需要加，飲品選擇亦唔少。首先嚟既係小食同湯，蒲燒鰻魚柔軟得嚟冇腥味，食完一串仲想食埋朋友嗰串😂 啖湯係雞腳發菜螺頭湯，飲落幾鮮甜。之後係雞煲，差唔多成年冇食喇。雞煲我地揀咗唔辣既，食落都幾惹味，仲有花膠同年糕tim!食食下雞煲，個刺身拼盤真係一上枱就令我地嘩一聲，真係好豐富同擺盆好精緻！拼盤入面有三文魚腩、三文魚、甜蝦、北寄貝等等，最意想不到係有鱈魚白子！平時大多喺係日本見過，但就一直唔敢去試，但聽聞好養顏，所以膽粗粗試左，食落入口即溶，同好鮮味，有d估佢唔到，愛美人士或者鐘意嚐鮮嘅一定要試下。再嚟係超級海鮮盒，有日本元貝、南非鮑魚同龍蝦，龍蝦肉好爽口彈牙！至於湯底，我地揀咗鴛鴦鍋，有冬蔭功同牛腩蘿蔔湯底，滿足嗜辣既朋友同唔多食辣既我👍火鍋我地主要點菜同黑松露墨魚滑仲有餃子，有我最愛既西洋菜，正！韭菜餃都幾高質，d蝦好彈牙。食到最後仲有雪糕做甜品，滿足！