雲桂香米線專門店

營業中

休息中

之前食譚仔食到生無可戀，網友介紹食依間好過食佢。真係無食過，又比人貴，客又唔多，但對手低咗可能顯到佢高返，試返次。雞絲菜心小鍋米線，湯底同麵都有幾款，試個最穩陣，首先米線量都多，夠爽滑，湯底係荃灣最出名老闆娘過隻味嘅超淡化版，最勁係個菜，菜心多到變主角係好事，不過菜都要熟嘅，硬都預咗，但粗過幾條咬落仲有菜腥味真係接受唔到，仲有雞絲，我唔專登夾出嚟驚你唔知，食麵唔一定要雞絲嘅，成本高到睇唔到不如唔絲啦，起碼要食到有肉。麻辣青瓜，首先麻辣為何物？酸有關？成兜嘢只有陳醋同蒜蓉，係好上味，浸住過啲直頭濃味，但肯定同麻辣無關。主角青瓜係正常嘅切件，新鮮，唔講依啲真係無樣好。結果完全高唔到，誰叫荃灣有個老闆娘，未食過佢可能先會覺佢湯底得。