立鮨 (富達大廈)

營業中

休息中

如果講質素同價錢，覺得立鮨真係一個唔錯選擇，之前都食過幾次，由企位變成座位就更加舒適。用QR落單後就等食物….三文魚腩壽司和三文魚壽司各有特色，前者油鮨味重點好軟熟質感，後者就以價錢$9同質素不錯取勝。松葉蟹肉海膽壽司蟹肉味濃再加上海膽新鮮味道令到層次再多點啖啖海鮮味。珍寶赤蝦壽司，蝦好大隻仲食到蝦爽口感又厚身，每次來都會想食，帶子壽司勁厚身大隻，好鮮甜。喜歡吃手卷的我們當然一人一條海膽手卷和加州手卷，包法唔會一個三角形款，令到底部都可以食到材料同壽司飯抵讚。炸軟殼蟹的炸皮幾特別，炸身乾身而入面軟殼蟹不會好油，都幾大隻。而且這裡有黑板會寫推介，有不少在外都比較少有的食物。