小曼谷泰國美食 (教育路) (已結業)

今日同家人想食泰菜，於外賣平台見到有另一間口碑唔錯的泰國菜，小曼谷泰國美食，就決定試下。 - 豬肉碎生菜包 - 豬肉碎夠香，不過稍為辣咗啲，但好惹味。- 泰式馬拉盞炒通菜 - 相對味道無咁濃，不過都炒得幾好食。- 沙嗲豬肉，牛肉，雞肉，雞腎各一串，雞腎相對較為突出，好爽有口感，其他幾款肉都唔錯。- 炸芝士蝦丸，呢個就麻麻地，雖然大大粒，但咬落唔彈牙，一般。- 泰式鮮蝦炒金邊粉，食材雖然唔算多，不過炒得夠乾身，而且金邊粉的質感亦都好食。整體小曼谷的食物相對都偏向泰國地道，會辣小小，但夠惹味。