五嫂石磨腸粉

營業中

休息中

唔係睇到雜誌網上介紹，我諗好多人都唔會去食或者試，一去到，排隊無所謂，如果好食，一個鐘都排，今次排咗20分鐘左右。2個人叫左雞蛋腸粉加肉２個人一碟都食淨....可以讚亦係唯一一點：腸粉夠薄同滑但彈既實在太多：１。漿汁極淡，微微菇味，仲要唔好食，因為淡，佢落大量湯汁落去，內地潮汕係用肉汁，我唔知佢搞咩用菇汁。２。肉係新鮮但無調味，係街市攪碎直接用。３。無米香無米味，完全係雜誌吹水。４。極不環保，堂食照俾發泡膠。有無用心做食物，其實真係食得出，最少我個碟無。最少內地好多人用心做食物，而且只係賣5-10蚊。傳媒要負責任寫稿或食評，而唔係人云亦云，胡亂推介變得越來越嚴重，真係值得反思。