翠苑甜品專家 (波斯富街)

營業中

休息中

今日適逢星期六去開銅鑼灣，記起翠苑糖水舖係原址重開了，梗係去食返碗腰果露啦。睇餐牌見佢只係賣21蚊咁平？以為係良心店舖姐，點知真係中伏！質量完全唔係以前果種真材實料既全生磨腰果露。而家的粉漿好重，粉未溶得晒，仲見到一粒粒。味道好甜。我估可能係得六成腰果糊，四成水加粉漿再加油等佢滑d。總之好難食。我食糖水咁耐未試過食剩咖。明白食材貴咗，但我寧願佢收三十幾蚊碗比返足d料好過自拆招牌。好失望近年香港好多老舖的食物水準不能保持。唔知係以前老板易咗手定點，如果後繼無人不如光榮結業就算。比人做衰咗，晚節不保，賺咗顶手費都補唔返個商譽臭咗。可惜！呢間以後真係唔洗再去了。