又一戟

營業中

休息中

今日同朋友來到有小葵廣之稱的藍田匯景廣場，雖然大家都好飽，但真係冇理由唔試下D度的美食。原本想去手卷屋食厚燒玉子，但原來星期日冇開，行前兩步見到有人食又一戟的班戟，賣相都唔錯，所以就轉左試班戟啦。其實又一戟有好多口味的班戟，除左有甜的品味外，仲有D咸的口味，但好似食返甜的口味會穏陣D，所以都係選返木糠+焦糖+雪糕班戟。木糠+焦糖+雪糕 班戟 (曲奇雪糕) - 班戟都好大件下，而且同甜筒的感覺有D接近但班戟的質感又更香軟。店員有推廌薄荷同咖啡口味的雪糕，但曲奇雪糕都好吸引，今日天氣咁熱，加埋雪糕係入面真係一流，而且仲要有兩球雪糕，真係好消暑。而且班戟包得幾好，雪糕唔會邊食邊漏，唯一麻煩少少係最上面D木糠開始食時比較易跌。D個組合的班戟相當唔錯，另外佢地嘅雪糕都好抵食，16蚊就有8小球，有8種唔同味道，都好似唔錯。整體而言，價錢公道而且好味，又一戟的班戟絶對係藍田匯景的掃街之選。