金蘭花泰國菜 (已結業)

臨收工先話要開會，搞到要OT，夜咗返到屋企就無飯食，屋企樓下D餐廳又收得好早，都係搵D嘢食埋先返屋企。即刻捉埋同事一齊去啦，一個人都唔知食乜好。我地有去過金蘭花食lunch嘅，不過就未食過晚餐，所以決定去試下。同事叫咗個炒金邊粉，我試食咗一啖，酸得嚟又唔係好甜，都幾惹味，不過就完全唔辣嘅，唔食辣嘅朋友點呢個就啱晒啦。我就食海南雞飯。去骨已經加分，而家習慣咗食無骨版本，變得懶去食帶骨海南雞。啖啖肉，份量都好足，肉質算嫩滑，點埋酸辣醬汁送飯真係一流。食完都成9點45分，好鬼攰都唔記得食咗幾多錢啦。