為食雞私房工場

營業中

休息中

好喜歡食海南雞，早前因為有幾聲咳，所以已暫停食海南雞一段時日。今日同事建議去為食雞食海南雞飯，簡直啱曬我口味啦~上到去睇下餐牌，先知道原來呢間係間泰式餐廳，主要提供泰式飯餐、泰式湯粉餐、咖喱系列以及多款泰式特色小食和飲品。嚟到呢度，梗係要返個泰式去骨海南雞飯套餐配黃油香飯啦~海南雞皮嫩肉質韌度適中有嚼勁，而且嫩滑多汁，最重要係，完全無骨，正！而黃油香飯，正如其名，油飯偏黃，香味四散，個人覺得米飯軟硬度及雞油比列剛剛好，不會太過火。儘管食物質素相當不俗，但可能因為餐廳通風系統唔夠完善，只不過逗留短短嘅30分鐘，衣服已沾滿濃烈嘅油煙味，令人無可奈何。