田浦食肉

營業中

休息中

約咗朋友喺沙田食飯，佢揀咗呢間韓國餐廳，餐廳位置好近石門站，非常方便。由於我哋唔食牛肉，所以就叫咗一個烤豬肉套餐，套餐包咗五花肉同埋豬頸肉，兩個都係口感屬於非常爽嘅部位！一層層嘅油脂分布，就更加惹味！香氣撲鼻嘅烤豬肉，配搭埋泡菜、大豆芽、菠菜等等嘅配菜一齊食，口感更豐富之餘，味道又更加清新！ 韓式煎餅呢個韓式煎餅賣相相當厚實！雞蛋味突出，可以話係老少咸宜雞蛋羮朋友話係韓國家傳戶曉嘅菜式，好多餐廳都有，但我真係第一次食！上菜嘅時候，見到雞蛋澎湃咁想湧出嚟，已經食指大動！估唔到口感係柔軟，又有淡淡嘅蛋香味，食落幾舒服，幾有趣！整體嚟講，成餐飯都食得非常開心，簡單嘅韓國菜式，好味又滿足！