牛精皇 (已結業)

之前叫朋友喺呢到打邊爐，大讚佢地啲牛同湯底又正又足料！今次就叫男朋友帶我嚟試下！我見都幾多野食揀下！張點菜紙入面全部都係火鍋配料！而啲湯底就喺另一本餐牌到！叫得牛精皇湯底梗係唔少得有牛！因為本身鐘意飲番茄湯，所以就叫咗個意式番茄牛尾湯底 ！呢個湯真係一啲都唔惹少！番茄味超香濃！牛尾又大大舊！牛尾仲要煲到好入味好腍！超正！牛肉當然都唔少得喇！其實都有好幾款牛揀，我地就要咗大嘅頂級手切安格斯牛肉！個賣相已經夠晒靚！薄薄一片滾幾下就食得！個油脂味好香肉質好嫩丫！佢地連啲丸都特別過人！同價錢可以雙拼，我地就要咗芝士蝦丸拼手打芝士牛丸 ！啲丸彈牙都不在話下，你睇下入面啲芝士！可以拉到幾長！好足料！海鮮類我地叫咗珊瑚蚌，好快有得食，等佢收縮就食得，好爽口好新鮮！豬脆管都幾特別，全部都有舊白色脆骨，但又唔似豬軟骨咁大舊，薄薄地脆身好易咬！嚮鈴呢加好多地方都有即炸，但呢到嘅嚮鈴唔止係即炸，入面仲包咗紫菜添！好特別！嚮鈴食落去超鬆化！佢仲有個甜酸汁俾你點黎食！加埋塊脆紫菜好似比平時嗰啲更加香口！呢個真係必叫！平時叫(雞)食多數都係散收收咁俾你，但呢到個鮮雞件又排得幾靚喎！而且啲雞肉煮完都好嫩滑同有雞味，