羅勒印度餐廳 (七姊妹道)

營業中

休息中

同事們話落雨天最佳去濕食物係咖喱，見好耐無食，就一行三人食去濕餐。星期一至五有lunch set, 比較經濟。我叫咗lamb masala跟naan 再加$10隻咖喱角，同事叫咗個牛肉卷配naan及印度飯。 Lamb masala好似好細碗，但原來份量都不小，有六至七件羊肉，味道好濃，只係小小辣. 牛肉卷用鐵板上，同事話一般.兩份餐的naan放埋一齊，有成六件咁多，非常軟口但又脆脆地，配上masala汁，十分絕配。咖喱角內餡係薯蓉、豆蓉，好惹味另一位同事叫咗烤肉料理午餐，賣相好精美，係咖喱免治肉一碗、咖喱雜菜, 咖喱豆，黃咖喱魚各一碗，每款咖喱都唔同味，配上印度飯和naan. 令外還有一條烤肉，一個類似雜菜餅, 還有卷起的papadum. 同事雖然好大食下，但都未能掃清整盤料理。以上三款午餐都有湯和🍵跟，又唔使加一，都幾抵食。