燒肉酒場 (已結業)

今日同朋友過嚟銅鑼灣慶祝生日，食日本燒肉，朋友介紹呢間居酒屋，氣氛好好，好似嚟咗日本咁樣。侍應同我哋介紹有一個羊肉拼盤，有六種唔同羊嘅部位。原來羊肉都可以有咁多種食法，真係大開眼界。羊肉唔係太蘇，部位亦都好特別。價錢亦都唔係好貴，出邊唔係有好多間日本居酒屋有得食羊。大家可以來試試！安格斯牛肉小排，好有牛味，嗰啲牛嘅油配埋落啲蔬菜度，好香。最後仲有羊湯烏冬，烏冬好有口感，為完美的一餐作出總結。佢仲有唔同嘅飲品，燒肉配啤酒，一流！