牛精皇 (已結業)

開始有啲秋意，又到左打邊爐嘅日子喇🍲，今日就黎到位於九龍城嘅牛精皇🐮。店舖坐位都幾闊落，抽風系統亦做得好足，成間舖唔會好大陣邊爐味。坐低無耐，店員就叫我地先選擇好湯底，另外亦端上一盤調味料比我地加落豉油，服務態度相當唔錯。湯底選擇好多花款，有「蕃茄牛尾湯」、由唔同牛嘅部位組成嘅「招牌牛精湯」等，都好吸引。幾翻掙扎之後我地點左期間限定嘅「豆腐鮮魚湯」。🍲豆腐鮮魚湯店員首先將原條魚放入湯度，再計時8分鐘左右就可以先飲湯，再過多4分鐘左右就可以成條魚拎出黎食喇。豆腐魚湯充滿鮮味，一啲魚腥味都無，好清甜，好適合配搭海鮮同蔬菜。海鮮方面好多選擇，$88可自選3款海鮮，份量好岩兩三個人叫，今次就自選左鮑魚、貴妃蚌同廣島蠔。蠔肉肥美，內裡多汁；蚌肉鮮甜爽口；鮑魚算厚肉，果然海鮮配魚湯特別夾，用料新鮮乾淨。🐟脆脘魚片我地二人食完湯底個條魚之後，仍然未夠喉，再點左一份脆脘片。呢度嘅魚片比較厚切，所以熟咗之後都會保留到好肥美嘅口感。唔會食到小骨刺，小朋友都可以好放心食。🐮必點！頂級手切安格斯牛肉🐮黎到牛精皇當然要試試佢嘅牛，就咁睇紋路已經夠吸精，肉同油脂比例剛好，份量好多，肉味好濃郁，正！🐮牛白肉唔係好多