CHIMAC (駿業街)

營業中

休息中

今日外賣左2個餐，啲雞有分有骨同無骨，因為懶所以揀左無骨。個餐本身跟蘿蔔、一罐野飲同薯條，我另外每個餐都加左18加個飯。個飯size唔係好大，好似平時食飯啲碗既size咁，但係2個飯都好味既。至於薯條份量都係唔多，10條左右，不過好既係佢係我鍾意既粗薯條。但可惜佢無俾茄汁我，真係爭咁啲，而且外賣番到公司都凍哂，所以食左2條就放棄。至於炸雞，原味係幾好食，佢唔係好油，夠味同好滑。但個蜂蜜焦糖炸雞就相對無咁好食。其實佢唔難食，只係原味真係好食啲，同埋我覺得佢係好似食緊爆谷既味道所以個人唔太喜歡。