影片
更多
2022-05-17
7245 瀏覽
已經超過一年冇來食weekday semi lunch buffet. 原來加價不少。原來係$198已包main course,現在係$268包main course. $248只有buffet. 佢喺商場嘅open area 所以人多嘅時候會比較嘈。Book咗11:30朝頭早，所以有九折。呢個時候佢冇咩人，所以buffet吧枱唔會好繁忙，可以慢慢攞嘢食。有好多唔同已經溝好咗嘅沙律。亦都有少少未溝過嘅沙律菜。雖然沙律唔係啲乜嘢回本嘅食物，但鍾意有咁多選擇。你有好多唔同嘅口味，refreshing. 死啦講真，如果平時喺外面食沙律都唔會平啦。二百幾蚊有咁多種，都唔錯嘅。火腿方面有四種. 凍海鮮有蝦同埋青口。隻蝦都幾大，同埋啲肉都幾爽。唔會好霉。青口唔係好實好腥嗰啲。我平時唔鍾意食青口，不過我覺得佢哋嘅青口OK。所以我覺得已經好好。佢哋仲有一杯杯蟹肉沙律，面頭有一啲牛油果醬。撈咗少少檸檬汁，好好味。鍾意去呢度食semi buffet因為佢哋仲有一個carve meat station. 以前好似有多啲唔同種類嘅肉。不過可能時不時會轉。所以我今次食嘅唔同咗？今日有烤牛肉，豬肋骨，同埋香腸。牛
佢喺商場嘅open area 所以人多嘅時候會比較嘈。Book咗11:30朝頭早，所以有九折。呢個時候佢冇咩人，所以buffet吧枱唔會好繁忙，可以慢慢攞嘢食。有好多唔同已經溝好咗嘅沙律。亦都有少少未溝過嘅沙律菜。雖然沙律唔係啲乜嘢回本嘅食物，但鍾意有咁多選擇。你有好多唔同嘅口味，refreshing. 死啦講真，如果平時喺外面食沙律都唔會平啦。二百幾蚊有咁多種，都唔錯嘅。火腿方面有四種. 凍海鮮有蝦同埋青口。隻蝦都幾大，同埋啲肉都幾爽。唔會好霉。青口唔係好實好腥嗰啲。我平時唔鍾意食青口，不過我覺得佢哋嘅青口OK。所以我覺得已經好好。佢哋仲有一杯杯蟹肉沙律，面頭有一啲牛油果醬。撈咗少少檸檬汁，好好味。鍾意去呢度食semi buffet因為佢哋仲有一個carve meat station. 以前好似有多啲唔同種類嘅肉。不過可能時不時會轉。所以我今次食嘅唔同咗？今日有烤牛肉，豬肋骨，同埋香腸。牛肉方面我覺得烤得唔錯，唔會好乾。我鍾意食中間唔好太熟嘅地方。有牛肉味之餘，又多汁。豬肋骨就麻麻啦。香腸都係啲普通嘢。
主菜方面叫咗一個吞拿魚意粉，同埋一個四種芝士pizza。吞拿魚意粉做到Al dente。個汁又做得唔錯。雖然唔係啲咩貴嘢，但係好好味。我好欣賞個Pizza，因為有blue cheese. 勁多芝士。好香。自己再加一啲外面夾返嚟嘅火腿。香上加香！
甜品有幾種。每樣都好好味。唔會太過甜。可惜cream brulee 面頭個焦糖唔脆。藍莓芝士蛋糕好鬆軟。red velvet 係我至愛。可惜我太飽，食唔到多幾件。
以這個價我收貨啦。須然佢價錢加咗35%，但勉強仲對得住個價。埋單大概$275一個人。佢地食物種類比唔上酒店$500嗰啲，但始終加錢平咁多。最緊要味道都好。
201 瀏覽
0 讚好
0 留言
184 瀏覽
0 讚好
0 留言
169 瀏覽
0 讚好
0 留言
117 瀏覽
2 讚好
0 留言
95 瀏覽
0 讚好
0 留言
Tuna spaghetti
$268
82 瀏覽
0 讚好
0 留言
Four cheese pizza
$268
79 瀏覽
2 讚好
0 留言
Oreo cake
84 瀏覽
0 讚好
0 留言
Blueberry Cheesecake
57 瀏覽
0 讚好
0 留言
張貼
