順日本料理 (已結業)

之前睇其他人食評見呢度招牌菜係牛脷，而我最鍾意其中一樣食物就係牛脷，所以一定要黎試試！上一次已黎食過佢既咖喱牛脷飯，已經覺得好好味，今日中午黎試埋佢個厚燒牛舌飯，慢煮牛舌同埋生蠔。先黎左慢煮牛舌，本身有兩舊，但太心急想試唔記得左俾相機食先，慢煮係三款牛舌之中最好姇的，非常厚切，好淋，味道好好，非常好食，蘿蔔都好甜。厚燒牛舌飯，一樣非常厚切，上面有鹽同黑椒，燒得幾香，飯相對牛舌仲少，不過我鍾意少飯所以份量我覺得好好。個生蠔唔知佢係咪漏左單，見佢好似先幫我開同上，但個蠔好新鮮肥美。整體野食非常滿意，暫時係我食過咁多間牛脷最好食既一間，不過我星期日中午黎，如果佢唔係只收現金就更好了。