影片
更多
2013-11-02
5011 瀏覽
今天又是我公司的聚餐的日子，今次選擇了「Cafe Marco」食dinner buffet，價錢成人都要$478+10%一位，我們一共9個人坐的位置都好近buffet 枱，所以取食物都非常方便，雖然如此，可是不少的counter 取食物都要排隊，buffet 一開始已經有十幾人排隊，每次可取三隻生蠔，生蠔的size 都幾細隻，問了廚師才知是澳洲的coffin bay ，初次入口都是感到比較鹹身，食了三隻都未能那麼快滿足，都是食咗其他東西才回來再食生蠔。開生蠔的counter 旁邊就是煮pasta及活煮龍蝦counter ，便是的排了不少人取龍蝦，所以我是想到都是遲些少才取龍蝦，於是我唯有取了龍蝦counter 旁邊的焗蠔先。焗蠔用了一些乾蒜及菠菜去焗，而且都幾細隻，入口真是好鹹又乾，後來我都是放棄只食了一隻。壓軸的當然是冷盤，龍蝦、蜆、長腳蟹、翡翠螺、青口、蘇格蘭蟹......，後其才轉咗凍蝦，有膏的龍蝦都是出了兩次，每次都好快俾人夾晒，幸好我都夾到一件，其後只得龍蝦鉗及冇膏的龍蝦開邊。幸好龍蝦的肉質都不會好韌，肉質晤算是好鮮甜，肉都是比較少。蜆及蟶子都是冇味，一點鮮味也沒有。 其後說
壓軸的當然是冷盤，龍蝦、蜆、長腳蟹、翡翠螺、青口、蘇格蘭蟹......，後其才轉咗凍蝦，有膏的龍蝦都是出了兩次，每次都好快俾人夾晒，幸好我都夾到一件，其後只得龍蝦鉗及冇膏的龍蝦開邊。幸好龍蝦的肉質都不會好韌，肉質晤算是好鮮甜，肉都是比較少。蜆及蟶子都是冇味，一點鮮味也沒有。
其後說到沙律方面，款式方面用shooter杯裝有蝦沙律、蟹肉沙律、八爪魚醋......其他沙律更有腸芝士沙律、五香牛肉、帶子青木瓜沙律、煙三文魚、巴馬火腿配蜜瓜...... 蟹肉沙律入口帶點微酸，材料有蕃茄粒、酸瓜、青瓜及蟹柳。蝦沙律只是有一粒蝦肉而且冇味，parma ham 鹹香味一般，都是晤夠肉香，塊蜜瓜晤夠甜。腸芝士沙律有一些青瓜、芝士、車厘子及腸仔，味道都是較清。帶子青木瓜沙律有紅洋蔥、青木瓜絲、帶子粒....帶子都幾爽不過鮮味一般，個沙律都幾清新。
刺身整體都不是太鮮，刺身款式都有熟蝦、魷魚、甜蝦、三文魚、立魚、吞拿魚、八爪魚......三文魚及吞拿魚都冇魚味，又欠而且吞拿魚及立魚咬落又有筋，是希靈魚比較好食，魚子都好爽口，更是帶點酸香，甜蝦都算鮮甜。日式冷麵及稻庭烏冬都有，更有一些配料及冷麵汁可以自已調配，配料有七味粉、紫菜、海苔......
之後試咗個中東烤餅及烤肉，不過個餅真是好乾又硬，個烤肉更是又硬又冇肉香。印度咖喱有印度烤雞、羊肉、薯仔雜豆......整體都不會好辣都迎合晤係太食得辣的客人。熱葷的選擇較少，我都只是試了少許，烤雞胸伴蕃茄粒、白酒煮青口、紅酒燴豬柳伴栗子、中式蒸魚、楊州炒飯......烤雞胸伴蕃茄粒我食過幾片，幸好都不會太嚡口，加上蕃茄粒酸酸地都幾開胃。楊州炒飯炒得都夠乾身。白酒煮青口都不錯，青口都好爽口入味。餐湯我試了一碗蕃茄湯，味道偏酸但都幾好飲。
都是講下今天的主角即煮活波士頓龍蝦，不過都是排隊又長等得耐，每次煮兩隻，一開二後總共四件半隻龍蝦，即是每次可有四位客人先取龍蝦，每次大約等10分鐘，但buffet開始到９時都有十幾人等緊，所以我都食咗甜品先才排隊取龍蝦。龍蝦都不是好多肉，不過即煮都烤得好香，都好爽彈更有三款汁可自行配搭，有蕃茄荷蘭汁、香辣茄汁及荷蘭汁。
甜品款式都好多，雪糕選用了movenpick，而且有專人舀雪糕都好衛生，同時她又可以幫客人即做waffle，雪糕加埋雪芭都有十款，後來我試了兩款雪芭分別是lime 及passion &mango ，不過都幾酸。雪糕的配料真是好多，而且更有馬卡龍，mm豆、朱古力碎、棉花糖、蛋卷......甜品枱雖是不是好大，但甜品款式都晤少，例如有豆腐花、朱古力噴泉、杏仁露、美式芝士餅、法式燉蛋、西米布甸、芒果蛋白卷......那麼我試過的甜品都不少，例如法式蛋白蛋糕(floating island)食落一陣泡，都帶有雲呢拿味，不過偏甜。沙巴翁芝士班戟的質感都幾軟身，有蛋香味同時有少少酒香，這是凍食。法式燉蛋的賣相令人感到最驚喜，用了個蛋殼裝住燉蛋，可是焦糖不是好夠脆，質地較實，不過好重蛋香。香草青檸士多啤梨凍忌廉一句已經可以表達，就是太酸又水汪汪。此外椰汁芒果西米布甸的芒果汁味道都是偏酸，但內有爆珠更是令人好有爆漿的口感，椰汁味香和西米都好爽口彈牙。美式芝士餅失敗在cream cheese 的味淡，餅身及消化餅底又腍。芒果綠茶mousse 真是好有清新的綠茶香，有綠茶粉的口感，而且帶點少許苦澀，最佳的就是比較低糖又不會太甜。最後杯餐飲凍檸檬茶是好苦澀難飲。
服務都好有效率，收碟都幾快，環境都不算好大，食物方面即開生蠔、魚生、龍蝦counter都經常出現排隊情況，排隊每次都要超過１５分鐘，值到晚上九點幾都有人龍的情況，有點不快。生蠔又細粒，凍食龍蝦有膏的都只是refill 兩次之後都冇，最後只得龍蝦鉗!!熱食的款式不多，熱食的龍蝦又少肉，甜品的水準真是好一般，如果成五百元一位的自助餐我個人覺得晤值。
張貼
