快樂蜂 (豐裕軒)

營業中

休息中

仲有冇人記得Jollibee曾經叫過祖樂比？出賣年齡系列😂第一次接觸已經覺得佢好食過另外幾間連鎖店，所以口痕時通常都會揀jollibee嘅。是晚買完嘢又嚟咗元朗分店度食炸雞，八點多鐘黎到，店內依然非常熱鬧。⭐樂脆雞配蘑菇飯叫了一份炸雞配蘑菇飯，炸雞就要咗辣嘅口味，即叫即炸雞件新鮮香脆，外皮炸到脆卜卜，但咬落一啲都唔油膩，最正係佢個辣雞辣味唔知係雞皮上面，連雞肉都有辣味，又香又惹味勁好食。蘑菇飯一大碗，菇汁菌味香濃，拌飯食好正。⭐樂脆雞配薯條另一分就叫咗炸雞配薯條，雞件同樣要辣味，個炸雞真係好好食🤤薯條同樣係新鮮炸起，細包裝裏面放到滿滿的，份量一啲都唔少，除咗點茄汁，個人都好鍾意點佢個雞汁食，咁算唔算係肉汁薯條呢？😆⭐可樂&芬達跟餐飲品就要咗可樂同芬達，食快餐梗係要配汽水啦。哈哈，識食一定係食快樂蜂嘅炸雞。