裝潢以韓國街頭為主題
有唔同韓國舖頭嘅背景 仲有紅色膠枱凳 好有氣氛
好似真係置身於韓國街邊大排檔咁 😍
必點我最愛嘅韓國米酒馬格利Makgeolli Cider
韓國傳統米酒Makgeolli加入氣泡飲品
帶有果香和米酒嘅甜味 配搭韓國菜式啱晒🍶
人氣菜式✨涼拌白切肉（配拉麵）
白切肉肥瘦相間 食嘅時候唔油膩
點上蒜泥醬汁非常惹味
拉麵都有驚喜 加入Wasabi 令白切肉味更突出😍
✨玫瑰醬燉排骨
排骨肉質燉到非常軟腍
每一啖都充滿玫瑰醬 好滋味 😌
🍗蜂蜜黃油無骨炸雞
韓國菜必食炸雞 半份份量都好多
外皮非常香脆 蜂蜜味道都好香甜
內裏肉質非常嫩滑😋
✨海鮮煎餅
份量十足 整塊海鮮煎餅都充滿餡料
海鮮配上各種韓國蔬菜非常惹味😝
Bingo & Cook 仲有多款韓國菜式
醬油蟹、牛骨湯、年糕、飯卷等等
下次再去過 😋
