活一鮮

營業中

休息中

最近埃華街開咗一間日本料理。好開心即刻走去幫襯，雖然幫襯幾次都係外賣，每次都冇令我失望。首先講吓海鮮丼飯，魚生豐富亦新鮮，海膽份量亦好多。價錢亦合理。順帶一提有時買外賣最怕佢唔夠日本醬油，服務員主動比多兩包，讚！而手卷亦值得一讚，將飯同埋紫菜分開。所以當食用嘅時候，自己用紫菜包好，重點係紫菜都係脆卜卜。我嘅姨甥仔仲爭住包，佢話好玩又好味！服務員下單後主動提醒我，如果魚生會快啲，炸物及熟食嘅食物要等候耐少少，約15分鐘。食物質素好態度又好一定會再嚟😀下次試吓堂食先。