木谷料理

營業中

休息中

上次行過見到人哋食嗰碗麵🍜好似幾吸引，所以今日就坐低試下。其實我曾經試過叫外賣，嗰個好似叫做觀塘雞脾湯飯。由於嗰時冇得堂食，所以係外賣拎走，印象中係冇落味精嘅，亦有啲家的味道。花雕藥膳雞髀湯麵連飲品 $43今次就試下佢嗰個花雕藥膳雞髀湯麵，佢好似原本係米線嘅，但係我要求轉咗做上海幼麵，麵質爽唔會好淋，不錯。店員一遞上湯麵🍜，濃濃嘅藥材🌱味就飄埋，感覺佢都應該用咗好多藥材去淆製呢個湯底。至於隻雞脾已經係煲到淋晒，一夾就開，雞髀亦充滿咗濃濃嘅藥膳香味。店員另外畀咗一啲胡椒鹽我，用嚟點雞，非常好食。這個湯麵仲有一杯嘢飲跟，我就點咗黃金羅漢果水，係凍嘅，都係好清香甜美又解渴，$43嚟講又冇乜味精，呢一餐非常超值。不過座位有限，都係一間速食嘅店舖。