影片
更多
2022-01-20
126 瀏覽
深水埗新開咗好多cafe類型嘅文青舖頭估唔到食burger都可以咁有文青氣質~🥸舖頭裝修好開揚 空間感亦十足！入到去有一張吧檯可以睇曬佢整出黎嘅過程又可以同主廚吹下水咁等個burger黎😎佢啲burger有三隻款 有唔同size可以揀啱曬細食嘅女仔（好似我hahahaha🤭）自己都可以啪咗成個佢~------------------------------💖雙層芝士漢堡 Double Cheese Burger $128朋友平時食開m字開頭嘅雙層芝士孖堡今次試完呢個 佢話食唔返m字嘅包一上到檯 啲肉汁已經開始流💦個burger好足料 一啲都冇手軟入面夾住兩塊厚厚嘅4oz嘅牛肉同兩片芝士佢煎個牛肉漢堡扒嘅火候控制到啱啱好 大概係七成熟 咬落勁juicy口感超正！💖升級焦脆漢堡 Max Power Smash $108Burger食得多 Smash真係第一次試Smash係用一團牛肉🐮 一路煎一路壓薄佢 而做到焦脆嘅口感所以煎果陣望少一眼都唔得㗎呢個係中size 已經勁大個個口都咬唔曬佢夾咗三塊2oz嘅牛肉薄片同兩片芝士咬落去脆脆地 又好juicy 呢種食感好正😋啖啖都係牛肉 加埋融融地嘅芝
估唔到食burger都可以咁有文青氣質~🥸
舖頭裝修好開揚 空間感亦十足！
入到去有一張吧檯
可以睇曬佢整出黎嘅過程
又可以同主廚吹下水咁等個burger黎😎
佢啲burger有三隻款 有唔同size可以揀
啱曬細食嘅女仔（好似我hahahaha🤭）自己都可以啪咗成個佢~
------------------------------
💖雙層芝士漢堡 Double Cheese Burger $128
朋友平時食開m字開頭嘅雙層芝士孖堡
今次試完呢個 佢話食唔返m字嘅包
一上到檯 啲肉汁已經開始流💦
個burger好足料 一啲都冇手軟
入面夾住兩塊厚厚嘅4oz嘅牛肉同兩片芝士
佢煎個牛肉漢堡扒嘅火候控制到啱啱好 大概係七成熟
咬落勁juicy口感超正！
💖升級焦脆漢堡 Max Power Smash $108
Burger食得多 Smash真係第一次試
Smash係用一團牛肉🐮 一路煎一路壓薄佢 而做到焦脆嘅口感
所以煎果陣望少一眼都唔得㗎
呢個係中size 已經勁大個個口都咬唔曬
佢夾咗三塊2oz嘅牛肉薄片同兩片芝士
咬落去脆脆地 又好juicy 呢種食感好正😋
啖啖都係牛肉 加埋融融地嘅芝士🧀 好creamy好滿足~
💖甜香蕃薯條 Sweet Potato Fries +$28
任何漢堡加+28就有埋有氣飲品同薯條~
薯條係食burger嘅perfect match
呢到竟然有蕃薯條食🍠 原來burger同蕃薯條都好夾haha
蕃薯條炸得好香脆 甜甜地
同朋友食完個burger先食都仲好脆口
💖金黃炸魚條 Fish Sticks +$38
任何漢堡加+$38就有埋有氣飲品同小食~
足足有六大條炸魚條！
外面酥脆 裏面鬆軟彈牙~~
------------------------------
店主好吹得 問佢地點解想賣burger🍔
原因好簡單 就係因為整burger夠簡單🤣
佢地burger比起外面食到嘅 牛味濃好多
因為佢地用嘅都係CAB認證嘅牛肉
仲要係原條牛肉咁訂返黎 再喺舖頭整成漢堡扒🥩
所有啲牛肉食落勁濃味同冇雪味❄️
佢地嘅細節位都做得好好 值得一讚👍🏻
burger入面嘅菜係用本地有機菜夾喺burger入面🥬
每日新鮮送到 食落好鮮甜同爽脆
今次食夾咗羽衣甘藍喺裏面 加上酸酸地嘅小黃瓜🥒
食完個burger好飽但都唔多覺油膩
係食完會想再食嘅burger~😆
平時開車經過可以買個burger一個紙袋咁拎走
都好啱同朋友坐低吹下水咁嘆個burger
------------------------------
Power Burger
@powerburgerhk
📍深水埗黃竹街2K號地舖
張貼
