喜相逢 (砵蘭街)

營業中

休息中

門面走中國風，店舖與另一西餐廳共用，日頭係喜相逢時間，夜晚就賣西餐。一張餐牌搞掂晒，想食乜自己劃。餃子製作需時，先黎一碟涼皮當前菜食住先，涼皮軟滑，少少涼唔會雪到好凍，撥開先發現有雞絲，一d都唔鞋，撈埋麻辣汁同其他配料好香，微微酸辣好開胃。煎餃望落唔似煎過，同出面食到ge半煎炸餃好唔同，呢度係先煎香底部，再加水焗熟，底部香脆之餘餃身亦保持軟熟，唔油，亦唔會得個硬字。芫茜味洽到好處，唔會蓋過香菇同豬肉味，平衡得好好，佢地自製ge辣汁酸酸辣辣，好味。湯底有d似雲吞麵湯，清清地。餃子即叫即包，皮薄餡靚，好鮮甜。平時d菜脯多數勁辣，但呢度ge菜脯只係微辣，不過就好香，原來加左花椒，妙！雞絲湯麵好大碗，麵條煙韌，可惜湯底比餃子湯淡。紙飲管又靚又環保。