新興食家

營業中

休息中

依家啲酒樓，尤其是大集團，點心都是交貨來的，要食新鮮即做點心，多數去小店。因為要去上環買臘味做糕過年，順道到新興食點心。光顧新興大約5次，老店格局，不追求服務和環境，不是熟客，也不渴求温暖親切感，為的是熱辣辣即做點心。沒有加一，價格親民豬膶燒賣不是周圍都有，每次來必食，這個通常要叫佢蒸。係咪好好食呢....？就是兩件豬膶兩條薑絲兩粒肉丸，沒有過度調味，新鮮熱辣。排骨比較甜，但件件都食得，唔會成碟肥肉。燒賣係我最喜歡的，兒時味道，雖然冇一大粒蝦，但味道很好。雞扎特別的大，内有豬肚，魚肚，雞，好足料。現在疫情關係，坐得較之前濶落，因為一張枱只可坐2人，冇以前咁迫，但限時45分鐘，我半小時吃完就走，都唔想阻人做生意。雖然冇咁迫，但衛生還是一般般吧，枱面總是油立立，有上手的食物汁，蒸籠亦不太清潔的感覺，就是老店風範，坐得亦不舒服。