山戶屋

營業中

休息中

4人入座，疫情後滿心歡喜跟同事聚聚食飯，可惜結果滿腔熱忱之情被淋熄。入座後同事舉手示意需待應幫忙落單，待應一走埋黎就「得得得 我睇到啦 黎緊啦，先生」態度極不耐煩 。咁都正常落單，基本無問題。當第二樣食物上菜時，有講食物名，縮開少少禮貌地叫待應可以先放低，待應以質疑態度問係咪你地叫架，十分奇怪。食物質素，角切雜錦魚生飯，味蕾未有強烈衝激，直到同事食到有骨直插口腔，魚生頓時顯得非常新鮮。另一同事食拉麵後表示血糖過低，份量可媲美份子料理「精細」入面既細。整體食物都偏向健康清淡。首次嘗試的確令大家印象深刻，如果大家都想有同樣經歷，可以挑戰一下。