影片
更多
2017-06-24
604 瀏覽
今晚同朋友係朗豪搵個地方食飯同聚舊, 先發現原來多左好多新餐廳, 因為平時實在好少行 行到一間食韓式炸雞既, 我本身無咩興趣, 我曾經係香港食過韓式炸雞, 覺得味道似咕嚕雞球, 無乜特別, 但朋友話我食既唔正宗, 於是捉左我入去入面都幾多人, 好彩直入都有位一坐低, 侍應就擺低兩款小食俾我地, 粟米粒&酸蘿白, 配搭唔夠正宗, 不過味道都OK朋友話要由佢發辦啦, 要叫雙重滋味炸雞, 可以任揀兩款 味道, 可以俾我揀味, 我揀左甜辣 &蒜香, 而且有得揀無骨, 只係比有骨既貴少少我地另外加左個雞蛋卷, 本身有勁量級&迷你版, 由於我地見隔離枱既炸雞幾大份, 驚食唔哂, 所以我地只係揀左迷你版炸雞好快黎到, 份量好多, 都有十幾件賣相幾好, 仲放左D 杏仁片係上面先食甜辣味, 味道原來唔係我預計既咕嚕醬味, 帶輕微既辣, 甜甜地, 幾好食, 朋友話呢隻味先係正宗雞件肉質幾嫩, 炸粉唔厚, 雖然外層有醬汁, 但炸皮依然保持少少香脆, 係味道同口感方面都打破我之前對炸雞既唔好印象 而另一款炸雞係蒜香味, 我仲以為會放好多炸蒜係面個種, 原來係無既, 但聞得到好濃郁既蒜味, 蒜味滲入哂件雞到,
行到一間食韓式炸雞既, 我本身無咩興趣, 我曾經係香港食過韓式炸雞, 覺得味道似咕嚕雞球, 無乜特別, 但朋友話我食既唔正宗, 於是捉左我入去
入面都幾多人, 好彩直入都有位
一坐低, 侍應就擺低兩款小食俾我地, 粟米粒&酸蘿白, 配搭唔夠正宗, 不過味道都OK
朋友話要由佢發辦啦, 要叫雙重滋味炸雞, 可以任揀兩款 味道, 可以俾我揀味, 我揀左甜辣 &蒜香, 而且有得揀無骨, 只係比有骨既貴少少
我地另外加左個雞蛋卷, 本身有勁量級&迷你版, 由於我地見隔離枱既炸雞幾大份, 驚食唔哂, 所以我地只係揀左迷你版
炸雞好快黎到, 份量好多, 都有十幾件
賣相幾好, 仲放左D 杏仁片係上面
雙重滋味炸雞
$183
28 瀏覽
0 讚好
0 留言
先食甜辣味, 味道原來唔係我預計既咕嚕醬味, 帶輕微既辣, 甜甜地, 幾好食, 朋友話呢隻味先係正宗
韓式甜辣炸雞
47 瀏覽
0 讚好
0 留言
雞件肉質幾嫩, 炸粉唔厚, 雖然外層有醬汁, 但炸皮依然保持少少香脆, 係味道同口感方面都打破我之前對炸雞既唔好印象
而另一款炸雞係蒜香味, 我仲以為會放好多炸蒜係面個種, 原來係無既, 但聞得到好濃郁既蒜味, 蒜味滲入哂件雞到, 個人覺得比甜辣味更正, 食啖後, 仲有D蒜油漏出黎, 味道juicy
蒜香醬汁炸雞
33 瀏覽
0 讚好
0 留言
好彩我地叫左無骨, 雞肉嫩滑, 啖啖肉, 食得方便又滋味
我估無骨&有骨既分別，就係無骨全部都係雞脾肉, 而有骨就咩部位都有, 所以揀無骨係啱既
炸雞除左呢兩款味, 佢地仲有招牌/ 初雪(應該係芝士粉味)/ 火辣/ 大蔥/ 綠豆芽, 有D 款仲可以揀全雞, 雞翼或雞鎚, 唔知如果飛去韓國食, 係咪真係有咁多味選擇架呢?
而迷你雞蛋卷, 賣相幾靚, 但份量一d都唔迷你
入面既涵料都幾多, 芝士做到流心既效果, 睇落都幾吸引, 加上滑漏既蛋包, 食到唔停口, 不過要趁熱食
迷你雞蛋卷
$88
21 瀏覽
0 讚好
0 留言
飲品方面, 係MENU 睇到都幾得意, 顏色選擇多, 出動埋鯊魚, 玩味十足, 而我就隨便揀左杯電燈泡型既青提子梳打, 味道偏甜, 朋友試左啖話麻麻, 所以佢都係飲水算
青提子梳打
13 瀏覽
0 讚好
0 留言
杯青提子梳打既飲筒連住粒閃燈, 但無咩意思, 閃左一陣就無電, 杯梳打黎既時候係凍既, 可惜無得加冰, 所以好快就唔凍
最後我地食到飽, 都食剩四分之一, 始終呢到份量都幾多, 我見好多人其實都食唔哂, 食唔哂都唔好浪費, 係可以加$1拎外賣盒既
張貼
