新德里餐廳

營業中

休息中

有位印度朋友間唔中都會搞飯局老實講印度菜唔係我嘅至愛 不過鍾意食辣嘅我間唔中食下又覺得幾過癮重慶大廈比較龍蛇混集 有相熟朋友帶會比較好啲上到去餐廳好傳統嘅印度裝飾 餐廳有家庭式經營嘅感覺。座位都坐得舒服嘅 我哋四個人叫印度烤雞 咖喱硬芝士 咖喱魚塊 印度薄餅 ～當然唔少得芒果Lassi 雞好香好滑 鐵板咁樣上好惹味 魚塊就稍為硬咗D 似係雪藏貨我以前曾經去過印度多個城市 覺得呢度嘅味道同印度嘅好似 菜式屬於北部新德里嘅菜式 印度朋友話依度係其中一間香港最正宗嘅印度餐廳 咁啱我前排食過高級印度菜Chaat， 老老實實，覺得呢度仲好食啲平均埋單$200鬆啲一個人 間唔中食下都幾唔錯～