南樂園

營業中

休息中

相信曾經係石硤尾讀書，甚至係讀城大嘅學生，都一定有一段南山邨食飯既回憶。而南樂園，就係好多學生經常去既地方，只少開左20幾年。環境係戶外大排檔，夏天食會比較熱，但就會有一種風味。怕熱既人，建議冬天先黎食一碗熱粥，格外溫暖。叫左一碗豬紅艇仔粥，牛肉粥，炒面，同牛肉腸。粥身煮到好綿，粥底味道濃，感覺到係真材實料咁慢慢熬出味道。豬紅係彈牙果隻，唔係一咬就碎果款。艇仔粥既肉碎同牛肉粥既肉碎係一樣既，不過艇仔粥會多埋幾條魷魚。炒面係凍既，應該一次炒起一大堆，每次裝一份出黎。 唔會話好突出，就係兒時既炒面味道。